Qeyta rozê îmanê mi nêbi ke Recep Tayyîp Erdogan mordemode demokrat o. Ey her tim teyna seweta xo çiye wast û seweta xo qeseykerd. Demokratiye seweta RTE honde mûhîm niya. RTE siyasetvanode faşîst û însanode bêhaq o. Faşîst, çike wazeno dugelede her çî bijero binê bandira xo. Her suke de her dewe de wazeno hukum bikero. Nêwazeno siyaset de ey ra qederî kes bibo. Se vatenê: Ez Amed, ez Dersîm, ez Îzmîr wazen û ez ..... Tam dîktator, tam faşîst. Bêhaq, çike en jede haq ra o qeseykeno û nimaj keno, hama en jede o kuno gonya Kurdan. En jede birrê Kurdîstanî demê ey de ame vêsnayene. Kam çi zoneno, birr de çiqa teyrûturî weşiya xo kerde vîndî. Masa mi sero rojnama Yenî Ozgur Polîtîka esta. Tabî sernustisê rojnama ma rind niyo. Ma gune fambikerîme ke guna heywanan çîna û heywanî ebi keyf gonya tewayî nêkunê. Heywanî honde însanan xedarî niyê. Terteleyî û honde kistene mexsusê însan yê. Rojnama ma de pelga virene de resmê jû eskerê tirkî esto. Eskerî jû gerîlla kista û ebi potînan linga xo naro vilê gerîlla ser, poz dano. Serokwezîr Recep Tayyîp Erdogan o. Onca pelga virene de resmê jû gencê Kurdî esto. Genco Kurd, Murat Tekdal, yemê Lîce de hete eskeranê Tirkan ra bêsedem amo kistene. Eskeranê Tirkî Murat qersunekerdene ra tepiya, ejat kerdo. Gosdê, eskeranê RTE nenikê Muratî ontê, dove sare ro û destê Muratî hencitê. Serokwezîr faşîst û bêhaq Recep Tayyîp Erdogan o. No mordemek qatîl o, qatîl. No mordemekî de şeref kî nêmendo. Eskerê Tirkî daristanê Kurdîstanî vêsnenê, RTE vengnêkeno. Mordemo ke verva riznayena xozanî bêveng maneno, o na vêsnayenê more keno. En jede demê AKP de xozanê Kurdîstanî ame riznayene û vêsnayene. No mordemek mordemode heneno ke, seweta hukumdarenya xo her çiyê xo roseno. Honde bêhaq o. Abdullah Gûl, Ertugrul Gûnay, Koksal Toptan û RTE pêro faşîstê neweyî yê. Nî wazenê her çî û ca bijerê binê bandira xo. Seweta nînan ne însan ne haq qible niyê. Nî kistox yê, kistoxê însanî û haqî.
